ملف مجاني · من الريل
جهّز حسابك لفيديوهات إنستقرام الطويلة
إنستقرام يجرب فيديوهات طويلة بالعرض اسمها Features. هذا وش تعرفه عنها، وليش تهمك، وخطة تجهّز فيها محتواك من الحين.
① وش اللي تغيّر؟
90دقيقة كحد أعلى
16:9بالعرض
تجربةالبرازيل وأمريكا
أعلنها آدم موسيري مدير إنستقرام في 26 أكتوبر 2026، بعد سنين وهو يقول إن إنستقرام للفيديو القصير. الفكرة: تنزّل ريل قصير هو جزء من فيديو طويل، وتحته زر يودّي اللي عجبه للفيديو الكامل، بدون ما يطلع من إنستقرام.
② ليش يهمك؟
- الريل واجهة المحل: يجيب لك ناس جدد ما يعرفونك.
- الفيديو الطويل داخل المحل: هو اللي يبني الثقة ويقنع العميل يشتري.
- نفس المتابعين: بدل ما تبدأ من الصفر في يوتيوب، جمهورك الحالي يشوف محتواك الطويل في نفس المكان.
- الريل أصدق من الصورة المصغّرة: الناس يشوفون عينة حقيقية قبل ما يقررون يكملون.
③ الخطة: جهّز من الحين
- موضوع واحد كل أسبوع: سؤال يتكرر من عملائك يستاهل شرح 10 إلى 20 دقيقة.
- صوّر بالعرض 16:9: وخلّ وجهك في النص عشان تقدر تقص منه ريلز عمودية بعدين.
- قسّمه لأقسام: كل قسم فيه فكرة كاملة تنفع ريل لحالها.
- طلّع 3 إلى 5 ريلز من كل فيديو طويل، وكل ريل يبدأ بهوك قوي.
- كل ريل يودّي للفيديو الكامل: لما توصلك الميزة، اربط الريلز بالفيديو الطويل. وقبلها، انشره في يوتيوب وحط الرابط في البايو.
💡 القاعدة: كل فيديو طويل تصوره = أسبوع كامل من الريلز. تصوير مرة، ونشر كل يوم.
④ أوامر جاهزة لكلود أو شات جي بي تي
انسخ الأمر، حط موضوعك، وخله يشتغل عنك:
عندي فيديو طويل مدته 20 دقيقة عن (موضوعك). هذا النص المفرغ (ألصقه). طلّع لي أقوى 5 مقاطع تصلح ريلز: لكل مقطع وقت البداية والنهاية، وجملة هوك أقوى من اللي قلتها.
أبي أصوّر فيديو طويل 15 دقيقة لعملائي عن (موضوعك). اكتب لي هيكل: مقدمة تشد في أول 30 ثانية، 4 أقسام، وفي كل قسم لحظة تصلح ريل لحالها.
اكتب لي 10 عناوين لفيديو طويل عن (موضوعك)، قصيرة وتثير الفضول، بدون مبالغة.
هذا كابشن ريلي (ألصقه). عدّله عشان يقول للناس إن الفيديو الكامل موجود ويضغطون الزر تحت الريل.
⑤ انتبه
🧪 للحين تجربة: متاحة في البرازيل وعدد قليل من الحسابات في أمريكا. ما فيه موعد رسمي لباقي الدول.
💰 بدون أرباح للحين: ما فيه أرباح إعلانات خاصة بالفيديو الطويل. الفايدة الحين: ثقة ومبيعات، مو أرباح مشاهدات.
📚 عندنا أكثر من 20 دليل مجاني ثاني
إرشادات مجانية أكثر؟ اضغط هنا ↖تبي تتعلم أكثر؟
في مجتمع نادر نشرح Claude وصناعة المحتوى والإعلانات خطوة بخطوة. فيه 5 مسارات نطوّرها باستمرار:
إتقان Claudeإتقان التصميم بالـ AIصناعة الإعلانات والفيديوهاتالتسويق بالـ AIالأتمتة ووكيل خدمة العملاء
انضم لمجتمع نادر ↩skool.com/nadrai