ملف مجاني · من الريل

ابنِ شركتك من موظفين AI داخل Claude Code

شركة فيها 15 موظف، ولا واحد فيهم إنسان. كل موظف جلسة Claude Code لها شغلها، وفوقهم مدير تنفيذي هو الوحيد اللي تكلّمه. هنا الطريقة كاملة خطوة بخطوة، بنفس الملفات اللي نشتغل فيها.

15موظف AI
1مدير تكلّمه
8خطوات

ليش أغلب الناس يتعبون؟

يكلّمون كل جلسة بأنفسهم
تصير أنت المدير والسكرتير والموزّع، وتضيع يومك وأنت تنقل الكلام بين الجلسات.
ما فيه قواعد مكتوبة
كل جلسة تخترع طريقتها، والجودة تتغير كل يوم، ونفس الغلطة تتكرر.
يعطون الـ AI صلاحيات مفتوحة
ينشر أو يرسل أو يصرف لحاله، وغلطة وحدة ممكن تكلّفك كثير.
STEP 01 · THE IDEA

مدير واحد تكلّمه، وكل قسم جلسة مستقلة

افتح جلسة Claude Code وسمّها «المدير التنفيذي». هي الوحيدة اللي تكلّمها. وكل قسم (الترندات، السكربت، المونتاج، النشر، الموقع) له جلسة لحاله في نفس مجلد المشروع.

  1. المدير يستلم طلبك، يقسّمه، ويرسل كل جزء للقسم المسؤول (الجلسات تتراسل بأداة SendMessage).
  2. كل قسم يشتغل لحاله، ويسلّم تقريره للمدير، مو لك.
  3. أنت تشوف النتيجة وتعطي الموافقة بس.
👑 المدير التنفيذيالجلسة الوحيدة اللي تكلّمها
⬇ يوزّع الشغل ⬇
🔎 الباحث✍️ الكاتب🎬 المونتير📤 الناشر🌐 الموقع📊 النمو
IT SHOULD LOOK LIKE THIS · شكلها عندك
الفريق في اللوحة: كل موظف ودوره وحالته
نصيحة: ابدأ بـ 3 أقسام بس (بحث، كتابة، نشر)، وزوّد لما يثبت النظام عندك.
STEP 02 · HANDBOOK

دليل الشركة ووصف وظيفة لكل قسم

الجلسات ما تتذكر بعض. اللي يخليهم فريق واحد هو ملفات مكتوبة في مجلد اسمه team، يقرأها كل موظف أول ما يبدأ.

THE FOLDER · المجلد
team/مجلد الشركة
README.mdدليل الشركة
checklists.mdمتى يعتبر الشغل «خلص»
board-protocol.mdكيف يحدّثون اللوحة
levels.mdالمستويات والنقاط
jd/وصف وظيفة لكل قسم
rituals/الروتين اليومي والأسبوعي
TEMPLATE · دليل الشركة
README.md
# دليل الشركة (team/README.md)

المالك: [اسمك]. المدير التنفيذي: جلسة Claude Code وحدة، وهي الوحيدة اللي تكلّم المالك.

## الفريق
- الباحث: يدوّر على الترندات والأفكار كل صباح.
- الكاتب: يكتب السكربت قبل التصوير بليلة.
- المونتير: يمنتج الفيديو بنسختين.
- الناشر: يجدول النشر بعد موافقة المالك.

## القواعد
1. كل تقرير يروح للمدير، مو للمالك.
2. حدّث اللوحة: لما تبدأ، لما تحتاج المالك، لما توقف، لما تخلص.
3. النشر والإرسال والصرف والدفع وتغيير الإعدادات: بموافقة المالك بس، لكل مرة لحالها.
4. «خلص» يعني قائمة التسليم كاملة (checklists.md).
5. ابقَ في مسارك: أي شغل برا وصفك يرجع للمدير.
6. أي تصحيح من المالك يصير قاعدة مكتوبة هنا.
TEMPLATE · وصف الوظيفة
jd/[القسم].md
# [اسم الموظف]: [القسم]
يرفع تقاريره إلى: المدير التنفيذي

## الشغل
- [وش يسلّم، وكم مرة]

## كيف
- الأدوات والملفات اللي يستخدمها
- القواعد اللي لازم يتبعها

## التسليم
- يستلم من: [قسم]
- يسلّم إلى: [قسم]

## قائمة «خلص»
- [ ] [شرط 1]
- [ ] [شرط 2]
- [ ] [شرط 3]
نصيحة: كل ما صحّحت غلطة، اكتبها قاعدة في الملف. كذا الفريق كله يتعلمها مرة وحدة.
STEP 03 · REPORTS

صيغة تقرير وحدة لكل الأقسام

لما يخلص أي قسم، يرسل للمدير تقرير بنفس الشكل دايم، عشان المدير يقرأ 10 تقارير في دقيقة:

  1. القسم يرسل التقرير للمدير، والمدير يجمع التقارير كلها.
  2. يرفع لك بس اللي يحتاج قرارك.
  3. تقرير المدير لك قصير: الخلاصة، وش لازم تسوي أنت (من 0 إلى 3 أشياء)، ومعلومات إضافية بحد أقصى 3.
TEMPLATE · التقرير
صيغة التقرير
تم: وش خلّصت
الملفات / الروابط: المسار أو الرابط بالضبط
يحتاج المالك: القرار المطلوب، أو «لا شيء»
متوقف: وش موقفك، أو «لا شيء»
التالي: خطوتك الجاية، أو «فاضي»
IT SHOULD LOOK LIKE THIS · شكلها عندك
سجل التقارير والطلبات في اللوحة
STEP 04 · LIVE BOARD

لوحة مكتب حيّة تشوف فيها الكل

اللوحة صفحة Artifact في Claude لها قاعدة بيانات مشتركة. كل قسم يكتب فيها حالته، وأنت تفتحها من جوالك وتشوف مين يشتغل ومين ينتظرك.

  1. اطلب من Claude: «سوّ لي Artifact لوحة مكتب فيها قاعدة بيانات مشتركة».
  2. 4 مجموعات تكفي: staff (ملف لكل موظف)، events (اللي صار)، tasks (المهام)، needs (اللي ينتظرك).
  3. كل موظف له حالة وحدة: يشتغل، فاضي، ينتظرك، ينتظر قسم، متوقف، في اجتماع، يتعلّم.
  4. الجلسات تكتب في اللوحة بأداة ArtifactData.
IT SHOULD LOOK LIKE THIS · شكلها عندك
المهام في اللوحة: جاهزة، شغّالة، تنتظر موافقتك، متوقفة
THE PROTOCOL · البروتوكول
board-protocol.md
بروتوكول اللوحة (مختصر)

- تبدأ مهمة: حالتك «يشتغل» + اسم المهمة + جملة قصيرة.
- تحتاج المالك: حالتك «ينتظرك» + بطاقة في needs.
- تنتظر قسم ثاني: حالتك «ينتظر قسم» + اسم القسم.
- توقفت: حالتك «متوقف» + حدث stuck.
- خلصت: أضف التسليم في recent + حدث report للمدير + حالتك «فاضي».
- اقرأ الملف قبل ما تكتب، واكتب برقم إصداره (if_version) عشان ما تمسح شغل غيرك.
- الأوقات دايماً بنظام 12 ساعة (مثلاً 9:30 م).
- لو فشلت الكتابة في اللوحة، كمّل الشغل واذكرها في تقريرك.
انتبه: اللوحة مكان مشترك. لا تحط فيها أرقام حساباتك ولا بيانات عملائك.
STEP 05 · ROUTINES

روتين يومي وأسبوعي بالمهام المجدولة

المهام المجدولة (Scheduled tasks) في Claude Code تشغّل الجلسة لحالها في وقت محدد. هذا الروتين اللي نمشي عليه:

  1. 7:45 ص · اجتماع الصباح: كل قسم يكتب سطر واحد: أمس، اليوم، وش موقفه.
  2. 8:00 ص · ملخص الصباح: وش لازم تسوي أنت اليوم بالضبط، وخطة كل قسم.
  3. 10:00 م · ختام اليوم: وش خلص، وش تأجّل، وهل سكربتات بكرة جاهزة.
  4. الأحد 9:30 م · اجتماع الفريق: وش نجح، وش خرب، وكيف نصلحه الأسبوع الجاي.
  5. أول كل شهر · المراجعة الشهرية: الأهداف مقابل الأرقام، وتقييم كل موظف.
  6. 3:30 ص · فحص الليل: المواقع شغّالة؟ المهام ما علقت؟ مساحة الجهاز تكفي؟
IT SHOULD LOOK LIKE THIS · شكلها عندك
ملخص الصباح: دورك اليوم
THEN · اجتماع الأسبوع
التقرير الأسبوعي
TEMPLATE · مهمة ملخص الصباح
ملخص الصباح
كل يوم الساعة 8:00 ص (بتوقيتك):
اقرأ اللوحة: المهام، اللي ينتظر المالك، وختام أمس.
اكتب ملخص اليوم في days/[تاريخ اليوم]:
1. وش لازم يسوي المالك اليوم (3 أشياء بالكثير).
2. خطة كل قسم بسطر واحد.
3. خطة بديلة ليوم صعب.
ممنوع: النشر، الإرسال، الدفع، أو تغيير أي إعداد.
نصيحة: المهام المجدولة تقرأ وتكتب تقارير بس. أي شي يطلع برا (نشر، إرسال، دفع) يبقى بيدك.
STEP 06 · LEVEL UP

نظام مستويات يخلّي كل موظف يطوّر نفسه

كل موظف عنده مستوى من 1 (متدرّب) إلى 10 (أسطورة)، ونقاط XP يكسبها من الشغل الحقيقي بس.

  1. +10 نقاط لما يعدّي التسليم قائمة «خلص» من أول مرة، و+15 لما توافق عليه بدون تعديل.
  2. كل مستوى يحتاج إثبات فوق النقاط: 5 تسليمات نظيفة، تحسين مقاس بالأرقام، أسبوع كامل بدون إعادة.
  3. كل ما ارتفع مستواه، أخذ ثقة أكثر: يصلّح أدواته بنفسه، ثم يسوي تجارب صغيرة، ثم ينسّق مع الأقسام الثانية.
  4. ساعة دراسة أسبوعية: يدوّر في GitHub على مهارات (Skills) تناسب شغله، ويكتب لك اقتراح فيه المصدر، وش يحسّن بالرقم، والخطر.
1متدرّب2مبتدئ3مساعد4متخصص5أول6قائد7خبير8رئيس9أستاذ10أسطورة
IT SHOULD LOOK LIKE THIS · شكلها عندك
مستوى الموظف والمهارات اللي ثبّتها
انتبه: المهارات كود. لا تثبّت أي مهارة قبل ما تقرأ ملفاتها، والتثبيت دايماً بموافقتك.
STEP 07 · SAFETY

القرارات المهمة تبقى بيدك

أهم قاعدة في الشركة كلها: الموظفين يجهّزون، وأنت توافق.

  1. النشر، إرسال الإيميلات، صرف الفلوس، الدفع، تغيير الإعدادات، وكلمات السر: بموافقتك أنت بس، ولكل مرة لحالها.
  2. الموافقة تكون بكلامك. لو المدير نقلها، لازم يقتبس كلامك بالحرف.
  3. لو جلسة انرفض لها طلب، ممنوع تطلبه من جلسة ثانية تسويه عنها.
  4. كلمات السر والمفاتيح تكتبها أنت بنفسك، والموظف ما يشوفها ولا يكررها.
  5. كل شي ينتظر قرارك يطلع في خانة «ينتظرك» في اللوحة.
IT SHOULD LOOK LIKE THIS · شكلها عندك
خانة ينتظرك: كل اللي يحتاج قرارك في مكان واحد
نصيحة: خلّ الإيميلات مسودات في بريدك، وأنت اللي تضغط «إرسال».
STEP 08 · START

انسخ الأمر وابدأ شركتك

افتح Claude Code في مجلد جديد والصق هالأمر. يبني لك الهيكل كامل، وأنت تعدّل الأقسام على شغلك:

THE PROMPT · الأمر
ابدأ شركتك
أبي أبني شركة من موظفين AI داخل هذا المجلد. أنا المالك، وأبي أكلّم جلسة وحدة بس: المدير التنفيذي.

1. اسألني أول: وش نوع مشروعي، وش الشغل اللي يتكرر عندي كل يوم وكل أسبوع، وكم ساعة أقدر أعطي.
2. اقترح من 3 إلى 6 أقسام (كل قسم جلسة Claude Code مستقلة)، مع وصف كل قسم بسطرين، وانتظر موافقتي.
3. بعد موافقتي، سوّ مجلد team فيه:
   - README.md: دليل الشركة (الفريق، القواعد، صيغة التقرير: تم / الملفات / يحتاج المالك / متوقف / التالي)
   - jd/: وصف وظيفة لكل قسم (الشغل، الأدوات، التسليم، قائمة «خلص»)
   - checklists.md: قائمة «خلص» لكل مرحلة
   - board-protocol.md: متى وكيف يحدّث كل قسم اللوحة
   - levels.md: 10 مستويات، نقاط XP من الشغل الحقيقي بس، وصلاحيات كل مستوى
   - rituals/README.md: ملخص الصباح، ختام اليوم، اجتماع الأسبوع، المراجعة الشهرية، فحص الليل
4. سوّ لي Artifact لوحة مكتب حيّة بقاعدة بيانات مشتركة (staff / events / tasks / needs)، فيها خانة «ينتظرك».
5. اقترح المهام المجدولة للروتين، ولا تشغّل شي قبل موافقتي.

قواعد ثابتة:
- أي نشر أو إرسال أو صرف أو دفع أو تغيير إعدادات أو كلمة سر = بموافقتي أنا بس، ولكل مرة لحالها.
- لا تثبّت أي مهارة أو أداة قبل ما تعرض علي ملفاتها.
- الأوقات بنظام 12 ساعة.
بعدها: افتح جلسة جديدة لكل قسم، وأول رسالة لها: «أنت [القسم]. اقرأ team/README.md و team/jd/[القسم].md، وابدأ».

✅ القائمة النهائية

ℹ️ ملاحظة: الصور من لوحة تجريبية ببيانات وهمية. هذا الدليل مو تابع لشركة Anthropic.

📚 عندنا أكثر من 20 دليل مجاني ثاني

إرشادات مجانية أكثر؟ اضغط هنا ↖
✦ مجتمع نادر

تبي تتعلم أكثر؟

في مجتمع نادر نشرح Claude وصناعة المحتوى والإعلانات خطوة بخطوة. فيه 5 مسارات نطوّرها باستمرار:

إتقان Claudeإتقان التصميم بالـ AIصناعة الإعلانات والفيديوهاتالتسويق بالـ AIالأتمتة ووكيل خدمة العملاء
انضم لمجتمع نادر ↩skool.com/nadrai
✓ تم النسخ